ඉන්ධන මිළ වැඩි කරන්නයැයි ගම්මන්පිල ගෙනා යෝජනාව ජනාධිපතිවරයා ප්‍රතික්ෂේප කරයි!

ඉන්ධන මිළ සංශෝධනයක් කරන මෙන් බලශක්ති අමාත්‍ය උදය ගම්මන්පිල ඉදිරිපත්කළ ඇමැති මණ්ඩල යෝජනාවට ජනාධිපති ගෝඨාභය රාජපක්ෂ ඇතුළු ඇමැති මණ්ඩලය ප්‍රතික්ෂේප කර තිබෙනවා.

මෙම ප්‍රතික්ෂේප කිරීම සිදු කර ඇත්තේ ඊයේ (25) රාත්‍රියේ ජනාධිපතිවරයාගේ ප්‍රධානත්වයෙන් ඇමැති මණ්ඩල රැස්වීම සූම් තාක්ෂණය ඔස්සේ පැවැත්වූ අවස්ථාවේදීය.

එහිදී ජනාධිපතිවරයා ප්‍රකාශ කර ඇත්තේ මිළ සංශෝධනයක් කර ජනතාවට අසීරුතාවට පත් කළ නොහැකි බවත් , හැකි නම් ඉන්ධන සඳහා අය කරන බදු අඩු කිරීමට ඇති හැකියාව මහා භාණ්ඩාගාරය සමග සාකච්ඡා කරන ලෙසත් ජනාධිපතිවරයා උපදෙස් ලබා දී තිබේනවා.

ලෝක වෙළෙඳපොළේ බොරතෙල් බැරලයක මිළ ඇමරිකා ඩොලර් 57 දක්වා වැඩි වී ඇති බව බලශක්ති ඇමැති උදය ගම්මන්පිල පෙන්වා දී තිබේ. එම නිසා සෑම ඉන්ධන ලීටරයකින්ම රුපියල් 16කට අධික පාඩුවක් ලබන බව ඔහු ඇමැති මණ්ඩලයට දැනුම් දී ඇති බවයි වාර්තා වෙන්නේ.

-පංචාලි අබේසේකර